Discographie

Urban Balèti, lo CD de Fai DeliUrban Balèti !  (junh 2014)
Podètz escotar qualques extraches, crompar l’album en numeric sus Itunes e Deezer o nos mandar un bon de comanda.
L’albom  es la resulta de rescontres entre los dos musicians del grop e d’artistas crozats sus la rota. Aqueles escàmbis an influénciat l’anar del grop. Totjorn fisèls a la tradicion del balèti occitan, avèm capitat d’i integrar los accents urbans del Rap o del Postrock.
Los textes son de compausicions personalas o de manlèus a de poetas ancians e actuals. Las influéncias variadas nos menan del costat d’Itàlia, de Bretanha o de Centelhas. Guitarra, acordeon e flabuta son totjorn al centre de nòstra musica. Lo mot « balèti » es pas usurpat que la màger part dels tròces de l’albom son destinats a far bolegar los dançaires d’escotich, masurcà, borrèia o polcà.
Modernitat, joinessa e enrasigament fan qu’aquel album se pòt metre entre totas las aurelhas.
Mercès a Grand’Ma Studio, Bois Vert, Arnaud Cance, Weaksaw, Erwan Billon Weaksaw, Esteve Salendres, Virginie Laune, la familha, Charles, Tristan, soleu prod, camel e plan d’autres encara !